ಜಿಲ್ಲೆಯ ಬಸವನಬಾಗೇವಾಡಿ ಪಟ್ಟಣದ ಹೊರ ಭಾಗದ ಜಮೀನನಲ್ಲಿ ನಿನ್ನೆ ಯುವಕನ ಶವ ಪತ್ತೆಯಾಗಿತ್ತು. ಬಸವನಬಾಗೇವಾಡಿ ಪೊಲೀಸ್ ಠಾಣೆಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ಮಾಡಿದ್ದರು. ಶವವಾಗಿ ಪತ್ತೆಯಾದವವನ್ನು ಪಟ್ಟಣದ ವಾಸಿ ಸುನೀಲ್ ಭಜಂತ್ರಿ (21) ಎಂದು ತಿಳಿದುಬಂದಿತ್ತು. ಸುದ್ದಿ ತಿಳಿದು ಸ್ಥಳಕ್ಕೆ ಬಂದಿದ್ದ ಸುನೀಲ್ ಪೋಷಕರು ಕಣ್ಣೀರು ಹರಿಸಿದ್ದರು. ನನ್ನ ಮಗನನ್ನು ಕೊಲೆ ಮಾಡಿದ್ಧಾರೆಂದು ಆರೋಪ ಮಾಡಿದ್ದರು.

ಇದರ ಮಧ್ಯೆ ಸುನೀಲ್ ಭಜಂತ್ರಿ ಕತ್ತಿಗೆ ಹಗ್ಗ ಹಾಕಿರುವ ಗುರುತನ್ನು ಪೊಲೀಸರು ಪತ್ತೆ ಮಾಡಿದ್ದರು. ಸ್ಥಳಕ್ಕೆ ಬೆರಳಚ್ಚು ತಜ್ಞರು, ಶ್ವಾನದಳ ಆಗಮಿಸಿ ಪರೀಕ್ಷೆ ನಡೆಸಿ ತನಿಖೆ ಮಾಡಿದ್ದರು. ಹೆಚ್ಚುವರಿ ಪೊಲೀಸ್ ವರಿಷ್ಟಾಧಿಕಾರಿ ಶಂಕರ ಮಾರೀಹಾಳ ಹಾಗೂ ಇತರೆ ಅಧಿಕಾರಿಗಳು ಪರಿಶೀಲನೆ ಮಾಡಿದ್ದರು. ಶವದ ಮರಣೋತ್ತರ ಪರೀಕ್ಷೆ ನಡೆಸಿ ಕುಟುಂಬಸ್ಥರಿಗೆ ಹಸ್ತಾಂತರ ಮಾಡಿದ್ದರು. ಈ ಕುರಿತು ತನಿಖೆ ನಡೆಸಿದ್ದರು.