Parle-G biscuit ಪಾರ್ಲೆ ಜಿ ಬಿಸ್ಕೆಟ್ ಪ್ಯಾಕೆಟ್ ಮೇಲಿದ್ದ ಮಗುವಿನ ಫೋಟೊ ಯಾರದ್ದು ? ಗೊತ್ತಾ

ಪಾರ್ಲೆ ಜಿ ಬಿಸ್ಕೆಟ್ ಭಾರತದ ಬೋಲ್ಡ್ ಬಿಸ್ಕೆಟ್ ಉತ್ಪನ್ನಗಳಲ್ಲೊಂದು. 80 ಹಾಗೂ 90ರ ದಶಕದಲ್ಲಿ ಮಕ್ಕಳಿಗೆ ಈ ಬಿಸ್ಕೆಟ್ ಒಂದು ಸವಿನೆನಪು. ಅಂದಿನಿಂದ ಇಂದಿಗೂ ಈ ಬೆಸ್ಕೆಟ್‌ನ ಅಭಿಮಾನಿಗಳು ಇದ್ದಾರೆ. ಅಭಿಮಾನಿಗಳ ಸಂಖ್ಯೆ ಸಹ ಕಮ್ಮಿ ಆಗಲಿಲ್ಲ

85 ವರ್ಷಗಳಷ್ಟು ಇತಿಹಾಸ ಹೊಂದಿರುವ 'ಪಾರ್ಲೆ' ಕಂಪನಿಯ ಉತ್ಪನ್ನವಿದು. ಒಂದು ಕಪ್ ಟೀ ಜೊತೆ ಪಾರ್ಲೆ ಜಿ ಬಿಸ್ಕೆಟ್ ಇದ್ದರೆ ಮುಗೀತು ಅನ್ನುವಂತಹ ಕಾಲವಿತ್ತು. ಬೆಳಗಿನ ತಿಂಡಿಗೆ ಪಾರ್ಲೆ-ಜಿ ಬಿಸ್ಕೆಟ್ ಒಂದಿದ್ದರೆ ಸಾಕು ಆದ್ರೀಗ ಆ ಅನುಭವ ಇಂದಿನ ಮಕ್ಕಳಿಗೆ ಸಿಗಲ್ಲ. ಏಕೆಂದರೆ ಮಾರುಕಟ್ಟೆಯಲ್ಲಿ ವಿಧವಿಧವಾದ ಬಿಸ್ಕೆಟ್ ಗಳು ಬಂದಿದೆ ಇದೆಲ್ಲ ಏನೇ ಇದ್ದರೂ, ಪಾರ್ಲೆ ಜಿ ಪ್ಯಾಕೆಟ್ ಮೇಲಿದ್ದ ಪುಟ್ಟ ಬಾಲಕಿ ಸಿಕ್ಕಾಪಟ್ಟೆ ಬಿಸ್ಕೆಟ್‌ನಷ್ಟೇ ಫೇಮಸ್.

ಒಂದಿಷ್ಟು ದಿನ 'ಪಾರ್ಲೆ ಜಿ' ಬಿಸ್ಕೆಟ್ ಮೇಲಿರುವ ಮಗುವಿನ ಫೋಟೊ ಇನ್‌ಫೋಸಿಸ್ ಮುಖ್ಯಸ್ಥ ನಾರಾಯಣಮೂರ್ತಿ ಅವರ ಪತ್ನಿ ಸುಧಾಮೂರ್ತಿ ಅವರದ್ದೇ ಎಂದು ಸುದ್ದಿಯಾಗಿತ್ತು. ಸೋಶಿಯಲ್ ಮೀಡಿಯಾದಲ್ಲಿಯೂ ಈ ವಿಷಯ ಸಿಕ್ಕಾಪಟ್ಟೆ ಚರ್ಚೆಯನ್ನು ಎಬ್ಬಿಸಿತ್ತು. ಈ ಬಗ್ಗೆ ಆ ಕಂಪನಿಯ ಮುಖ್ಯಸ್ಥ ನೀಡಿರುವ ಸಂದರ್ಶನವೀಗ ವೈರಲ್ ಆಗುತ್ತಿದೆ.

ಅಸಲಿಗೆ ಪಾರ್ಲೆ ಜಿ ಬಿಸ್ಕೆಟ್ ಮೇಲಿರುವ ಬಾಲಕಿಯ ಫೋಟೊ ಸುಧಾಮೂರ್ತಿಯವರ ಬಾಲ್ಯದ ಫೋಟೊ ಅಲ್ಲ. ಈಗಾಗಲೇ ಆ ಬಗ್ಗೆ ಸಾಕಷ್ಟು ವರದಿಗಳು ಆಗಿವೆ. ಆದರೂ, ಕೆಲವು ಮಂದಿ ಇನ್ನೂ ಒಪ್ಪುವುದಕ್ಕೆ ರೆಡಿಯಿಲ್ಲ.