ಕಲಾವಿದರೊಬ್ಬರು 406 ಫ್ರೇಮ್​ಗಳನ್ನು 26 ದಿನಗಳ ಕಾಲ ರಚಿಸಿ ಚಿತ್ರದೊಳಗಿನ ಬೆಡಗಿ ಚಮ್ಮಕ್​ ಚಲ್ಲೋ ಟ್ರ್ಯಾಕ್​ಗೆ (Chammak Challo Track) ಡ್ಯಾನ್ಸ್ ಮಾಡುವಂತೆ ಮಾಡಿದ್ದಾರೆ. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದ ನೆಟ್ಟಿಗರು ಕಲಾವಿದನ ಜಾಣ್ಮೆಯನ್ನು ಶ್ಲಾಘಿಸುತ್ತಿದ್ದಾರೆ. ಚಮ್ಮಕ್ ಚಲ್ಲೋ ಹಾಡು ರಾ ಒನ್​ ಸಿನೆಮಾದ್ದು. ಶಾರುಖ್ ಖಾನ್ ಮತ್ತು ಕರೀನಾ ಕಪೂರ್ ಈ ಚಿತ್ರದಲ್ಲಿ ನಟಿಸಿದ್ದಾರೆ.ಈ ವಿಡಿಯೋ ಅನ್ನು ಸೆ. 30ರಂದು ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಲಾಗಿದ್ದು, ಈ ತನಕ 65 ಮಿಲಿಯನ್​ ಜನರು ನೋಡಿದ್ದಾರೆ. 10 ಮಿಲಿಯನ್​ ಜನರು ಲೈಕ್ ಮಾಡಿದ್ದಾರೆ. ಲಕ್ಷಾಂತರ ಜನರು ಕಲಾವಿದನ ಪ್ರತಿಭೆಗೆ ಶಭಾಷ್​ ಹೇಳಿದ್ದಾರೆ. ಇದು ಶ್ರಮದಿಂದ ಮಾಡಿದ ಕಲೆ, ಕಲಾವಿದನ ತಾಳ್ಮೆಗೆ ಶರಣು ಎಂದಿದ್ದಾರೆ ಅನೇಕರು.ಕಲಾವಿದ ಅಭಿರಾಮ್ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ವಿಡಿಯೋ ಹಂಚಿಕೊಂಡು, ‘ಚಮ್ಮಕ್ ಚಲ್ಲೋ ಆರ್ಟಿಸ್ಟ್ ವರ್ಷನ್​’ ಎಂಬ ಒಕ್ಕಣೆ ಬರೆದಿದ್ದಾರೆ. 406 ಫ್ರೇಮ್‌ಗಳನ್ನು 26 ದಿನಗಳಲ್ಲಿ ಮುಗಿಸಿ ನಂತರ ಈ ಸ್ಥಿರ ಚಿತ್ರಗಳಿಗೆ ಚಲನೆ ಒದಗಿಸಲಾಗಿದೆ. ಈ ವಿಡಿಯೋ ಅನ್ನು ಸೆ. 30 ರಂದು Instagram ನಲ್ಲಿ ಹಂಚಿಕೊಳ್ಳಲಾಗಿದೆ. ಅದ್ಭುತವಾದ ಕಲೆ ಇದು ಎಂದಿದ್ದಾರೆ ಒಬ್ಬರು. ಇಂದಿನ ಪ್ರಭಾವಿ ಕಲಾವಿದರ ಕಲೆಗಿಂತ ನಿಮ್ಮ ಕಲೆ ಬಹಳ ಚೆನ್ನಾಗಿದೆ ಎಂದಿದ್ದಾರೆ ಇನ್ನೊಬ್ಬರು.. ನನ್ನ ಕಣ್ಣು ನೋಯುವಷ್ಟು ಸಲ ನಾನು ಈ ವಿಡಿಯೋ ನೋಡಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು. ಎಂಥಾ ಪ್ರತಿಭೆ ಸಹೋದರ ಎಂದಿದ್ದಾರೆ ಇನ್ನೊಬ್ಬರು. ನಿಜಕ್ಕೂ ಈ ಕಲೆಯನ್ನು ನೋಡಿ ನನ್ನ ದಿನ ಸಾರ್ಥಕವಾಯಿತು ಎಂದಿದ್ದಾರೆ ಇನ್ನೂ ಒಬ್ಬರು.

ಈ ವಿಡಿಯೋ ನೋಡಲೂ ಕೆಳಗೆ ಕ್ಲಿಕ್ ಮಾಡಿ  

ಚಮ್ಮಕ ಚಲ್ಲೋ ಬೆಡಗಿಯನ್ನು ನೋಡಿ